ماذا بعد يا وطنى - صورة - التعليقات

hi are you ok

مجهول — Sun, 20 Apr 2008 05:50:44 +0300

hi are you ok http://www.finishup.cn http://www.chinawordpress.net.cn http://www.chinaword.net.cn http://www.tatto.com.cn http://www.treadmilll.cn http://www.covermax.cn a

مشروع نهضة وتطوير المهن القانونية

سعيد عفيفى المحامى — Thu, 13 Dec 2007 01:17:28 +0200

دعوة عامة لترك السلبيات والمشاركة بايجابيات من اجل اولادنا قبل نقابتنا

ايها الآخوة المحامون .....

لقد مرت سنوات جحاف على نقابتنا ومهنتنا ادت رواسب العبث بها الى تدهور الاحوال الاقتصادية وركود العمل بمكاتبنا الا نقف متسائلين بادئين بالحل لا ناقدين ساخطين الا فان المسئولية تحتم علينا حماية اولادنا وبيوتنا ومهنتنا وتاريخها ، الا وان السبب الحقيقى والفعلى وراء تدهور الحالة الاقتصادية وانخفاض مستوى الدخل هو ان دخول مصر حيز تنفيذ الاتفاقيات الدولية وخاصة الجات والجاتس ادى الى تيار جارف من المستثمرين ورجال الاعمال العرب الذين يستثمرون اموالهم بتعاقدات عربية واجنبية وطبقا لقواعد القوانين التجارية العربية والدولية فلا يمكن لهم الاعتماد على المحامون المصريين الذين حوصرت مكاتبهم بخطر البطالة التكنولوجية وهو نوع البطالة الجديد الذى كان اثرا مباشرا لدخول مصر حيز تنفيذ هذه الاتفاقيات وهو عزوف المستثمرين عن العمل معنا لاننا غير مؤهلين مثل بيوت الخبرة العربية والعالمية والمصرية الكبيرة فكم منا يتدرب ما لايقرب من ستة ساعات على الكمبيوتر ومن منا يقرأ فى قوانين الدول العربية يوميا او القواعد الدولية وان اردنا فهل نمتلك ما يساعدنا على مواكبة هذا التطور هذه هى المعادلة واليكم مشروعى وشاركونى بايجابية بدلا من السخط والمطاطية .

ابنكم وتلميذكم ولا ينوى دخول الانتخابات نهائيا لان كراسيها ملوثة ولن يغفر التاريخ لمن يجلس دون تطهير ولن تطهر حتى نتطور وننهض بانفسنا نكون وزراء وسفراء وواضعى حلول ومواجهين للازمات عاملين على الخف من حدة الكوارث قاطعوا الانتخابات وانهضوا بانفسكم فان الله لا يغير ما بقوم حتى يغيروا ما بانفسهم .

السيد الاساتذة المحامون المصريون تحية اجلال واحترام وتقدير ،،اذ نشرف بان نضع مشروعنا بين ايدى سيادتكم أملين من الله عز وجل ان نحظى بقبوله ، أملين فى تنفيذه برعايتكم المبجلة ، تقديرا" واحترام لما حققتموه سلفا وأستكمالا" لمسيرة العطاء لمصرنا الغالية ، ويكفينا شرف الموافقة على رعايته ، أملين فى احداث طفرة مصرية بمشروع نهضة وتطوير المهن الحرة فى مصر ، محققين الهدف من البرنامج الاليكترونى للحكومة المصرية ومسايريين المتغيرات العالمية فى انشاء واستغلال اضخم قاعدة بيانات علمية مهنية .سيدى الفاضل : ان دخول مصر حيز تنفيذ الاتفاقيات الدولية ، وخاصة اتفاقيتى الجات والجاتس ، التى اعدتها الدول الكبرى والكيانات الاقتصادية الدولية الكبرى بغية السيطرة على المواد الاولية ، وفتح الاسواق العربية ، ونظرا" لأن هذه الدول والكيانات الاقتصادية قد استعدت لذلك منذ 3 اكتوبر عام 1974 عندما وقعت على الاتفاقية ، فهى كانمت تستعد لذلك قبل التوقيع والا ما استطاعت تلك الكيانات صياغة مستقبل العالم العربى والاسواق العربية فى اتفاقية دولية ((ان التجارة او الصناعة لا حاجة لها للحماية الان بقدر حاجة المهن الحرة))- الآن وبعد ان دخلت مصر حيز تنفيذ تلك الاتفاقيات فان التجارة ولا الصناعة بحاجة الى الحماية بعد ما شرع من قوانين وما أتخذ من خطط وما يلى من تنفيذ لها املين من الله حمايتهما ، وان المهن الحرة الآن هى التى يجب حمايتها بعد تدهور الاوضاع الاقتصادية لمؤسساتهم الصغيرة التى لا تقوى على مواجهة تحديات العولمة والزحف والتيار الجارف من أصحاب المهن الحرة ذو الجنسيات المتعددة الذين دخلوا بلادنا مع المستثمرين الذين اصبح يمثلوا اكثر من 70 % من الرأسمال المستثمر فى السوق المصرؤى اى ان اليات السوق ومؤسساته الكبرى لن تتعامل الا مع بيوت الخبرة الاستشارية فى اية مهنة وذلك لتقدمهم فى علومهم وتنمية قدراتهم المستمرة وقواعد البيانات التى تساعدهم على بحث اية مشكلة مهنية وايجاد الحلول لها فى دقائق .((عزوف الشركات والمستثمرين عن العمل مع))المؤسسات والمكاتب الصغيرة لآصحاب المهن الحرة المصريين- وذلك لفهرسة بيوت الخبرة الاجنبية الممتلئة باصحاب المهن الحرة فى مصر مندمجة بشركات المسثمرين علومهم واعدادعم لها ولعلومنا وتبويبها وتنظيمها وشرحها مما يتيح سيطرتهم على كافة المجالات المهنية بدرجة ان اكثر من 60% من مكاتب المحامين توقفت نهائيا عن العمل وتداعى اصحابها ، فضلا عن توقف أكثر من 50% من مكاتب المحاسبيين التى توقفت بشكل شبه تام والكثير من المهن ( شكل نوضيحى ) التى قى طريق اصحابها لغلقها والعمل لدى الشركات وبيوت الخبرة الاجنبية عربية او مصرية فاوجب ذلك علينا مساية المجريات العالمية فى تكنولوجيا المعلومات ومجاراة ركب التطوير والجمع بين الاصلاح والعدو السريع لملاحقة الركب دون تخلف ، وحماية من يستحق الحماية فى هذه المرحلة قبل ان نصبح امام مشكلة تودى بالقاعدة المثقفة وتجعلها فى بوتقة جنسيات أخرى ، مزودة بالعلوم التكنولوجية وقواعد البيانات .خلاصة المشكلات والاهداف ومواجهة الازمات والمخاطر ادارة الآزمة ومواجهة مخاطر التقنيات الحديثة1. انقاذ أصحاب المهن الحرة (( قانونيون – هندسيون – تجاريون – علميين – تطبيقيين)) وهى الطبقة العريضة المثقفة المناط بها النهوض بالمجتمع المصرى والنهوض بذاتها والوقوف على المتغيرات التكنولوجية العلمية المتقدمة.2. مسايرة المجريات الدولية بانشاء اضخم قاعدة بيانات علمية فى ستة شهور فقط .3. تنمية قدرات أصحاب المهن الحرة وتزويدهم بالعلوم التكنولوجية بتدريب المدربيين والمتتدربيين.4. انشاء اول وأضخم مكتبة اليكترونية علمية مهنية وفروع لها فى اماكن تجمعاتهم وقسم اليكترونى بالمكتبات العامة لكل اصحاب المهن الحرة فى ستة شهور .(( مثال المحاميين فى كل مقر محكمة – اطباء فى كل مشفى ويكون شرطا" للترخيص )) .5. انشاء اصدارات صحفية متخصصة لآصحاب المهن الحرة فقط بقصد الاهتمام بهم ورعايتهم وتجميعهم وحصرهم ومخاطبتهم اينما كانوا بقصد الوصول اليهم وحصرهم .6. ادخال صناعة التكنولوجيا فى تطوير المهن الحرة باستخدام البرمجيات والاقراص المدمجة فى تبويب العلوم وفهرستها تمهيدا لبيعها باسعار مدعمة غير قابلة للمنافسة تحتوى على العلوم المهنية لكل مهنة على حدة بقصد احتفاظ كل مهنى بمكتبة اليكترونية كاملة . مع امكانية وضعها على التليفون المحمول او الايبود مستخدمين البرمجيات وعلوم الحاسبات وصناعة التكنولوجيا.7. انشاء بوابة اليكترونية علمية مهنية متخصصة على شبكة الانترنت لكل اصحاب المهن الحرة عن طريق طلب بحث مكن كل نقابى ، ومشضاركة اساتذة الجامعات والمؤلفين والمؤرخين وجامعى البيانات وشركات البرمجيات ودور النشر وهيئة تكنولوجيا المعلومات والقرية الذ كية ، ومكتبات الجامعات والطلبة والمهنيين ودور البحث ... (( بوابة المهن الحرة )) .8. انشاء دور نشر مهنية علمية اليكترونية متخصصة لكل نقابة مهنية .9. اعداد هيئة متخصصة او لجنة من اساتذة الجامعات المصرية من مختلف المهن العلمية الحرة ومن اعضائها واصحاب الخبرات تكون مسئوليتهم دراسة المشروع وبيان ايجابياته وسلبياته ووضع خطة زمنية المراحل وتوزيع العمل وتنظيم المؤتمرات والمعارض وورش التدريب للنقابيين والعامليين بالمؤسسات الحكومية والخاصة .10. انشاء أكاديمية متخصصة تكون مهمتها وضع البرامج التدريبية للمهن الحرة كلا فيما يحتاجه بغرض النهوض وتنمية القدرات لآصحاب المهن الحرة ومواجهة مخاطر التقنيات الحديثة من اختراقات للشبكات المصرفية والمواقع الحكومية ، والفيروسات الاليكترونية التى تعوق العمل وتعمل على محاولة الوقوف ضد النهضة والتطوير وتطويع اجهزة الحاسبات واعتبارها خطرا" يهدد العمل بلا" من الاعتماد عليها فى اداريا. 11. النهوض بأصحاب المهن الحرة وتطويرهم وتنمية قدراتهم التنافسية فى شتى مهنهم، بما يتفق مع مجريات الآمور العالمية وحاجة المستثمرين ، واسباغ الحماية الوطنية على هذا القطاع مثل الصناعات الصغيرة ، اى الصناعة او التجارة ، ويتم ذلك بمرحلتين مدة كل مرحلة ستة شهور .1-11- المرحلة الآولى / معا" لنهضة وتطوير المهن القانونية من ديسمبر 2007 الى يونيه 2008 2-11- المرحلة الآولى / معا" لنهضة وتطوير المهن التجارية من ديسمبر 2007 الى يونيه 2008 3-11- المرحلة الآولى / معا" لنهضة وتطوير المهن الهندسية من ديسمبر 2007 الى يونيه 2008 4-11- المرحلة الثانية / معا" لنهضة وتطوير المهن العلمية من يونيه 2008 الى ديسمبر 2008 5-11- المرحلة الثانية / معا" لنهضة وتطوير المهن التطبيقية من يونيه 2008 الى ديسمبر 2008 6-11- المرحلة الثانية / معا" لنهضة وتطوير المهن الطبية من يونيه 2008 الى ديسمبر 2008 7-11- المرحلة الثانية / معا" لنهضة وتطوير المهن الصحفية من يونيه 2008 الىديسمبر 2008 12. خلق سوق لصناعة التكنولوجيا لمسايرة خطة الحكومة الاليكترونية ، نظرا" لفراغ السوق المصرى صناعة وتجارة من استخدام تكنولوجيا المعلومات وبرمجة الحاسبات واعداد العلوم المختلفة على اقراص مدمجة او برمجيات معدة للبيع او التجارة (( مثل دور النشر الاليكترونى او الكتبات الاليكترونية – والصناعات المتعلقة بها )) بغرض نهضة وتطوير المهن الحرة، بالاضافة لرواج سوق الحاسبات بعد اصدار حاسبات متخصصة مثل الحاسب القانونى الذى ينطوى على مكتبة اليكترونية قانونية وقاعدة بيانات قانونية مصرية عربية عالمية ، او الحاسب التجارى اغو الهندسى ....الخ .13– مواجهة تحديات العولمة وتيار المهن الحرة الاجنبى ، ومحاربة ما نجم عنه من بطالة تكنولوجية لمؤسسات المهن الحرة واصحاب المهن الحرة المصريين ، و يساعد ذلك على توفير العديد من فرص العمل لمعظم المؤهلات العلمية كلا" فى حقله، فالمكتبات بحاجة الى كل التخصصات ، ودور النشر ، وشركات البرمجيات ،والمدربيين فى ورش التدريب .والباحثيين والاصدارات الصحفية والفهرسة والتبويب ومهندسى الشبكات والاتصالات ومتخهصصى الكمبيوتر .14- انشاء قاعدة بيانات ضخمة وهى عبارة عن مجموع قواعد البيانات التى سيتم انشاؤها لكل مهنة على حده بواسطة الكتاب والمؤلفين والشراح واساتذة الجامعات والمهنيين ذو الخبرة المتخصصيين فى كل مهنة.- وبالفهرسة والتبويب والبرمجيات نصل الى اضخم قاعدة بيانات علمية يمكننا رفعها على شبكة الانترنت و من خلالها يمكن تحليل كل الظواهر والمشكلات الاقتصادية والاجتماعية والمهنية والعالمية، فضلا عن ترسيخ الصواب فى اتخاذ القرارات لاءبتنائه على جذور نبتت فى أرض علمية ونتيجة لمعطيات قوية ، وتكون نواة لنشر تلك المعلومات وهذه الابحاث والموسوعات العلمية فى اصدارات اليكترونية معدة للبيع بسعر فى متناول القطاع المستهدف، وبيعه لتدعيم المشروع للمؤسسات والشركات التى تهتم بهذا المجال . رسم توضيحى لمعدل تقريبى عن المخاطر التى تواجهها ثلاث مهن حرة فقط(( المحامون – التجاريون – المهندسيين )) ملحوظة :: تم اجراء تجارب على المرحلة الاولى ، على قطاع المهن القانونية وقد احرز نجاحا ونتائج حقيقية سواء كان على مستوى القانونيين كأشخاص أو على مستوى القانونيين بشكل عام ، ولاقى اقبالا" مما شجعنا الى عرض فكرة المشروع على سيادتكم ، ونامل فى عرض التفاصيل .بناء عليهنلتمس من سيادتكم قبول رعايتكم الكريمة للمشروع ، أملين من الله عز وجل فى النهوض بأصحاب المهن الحرة المصريين راغبين الرقى بمهنتنا والسمو بها طريقنا العلم والفكر غايتنا مصر وسيلتنا التنمية ، قاصدين وجهه الكريم.

وتفضلوا بقبول وافر الاحترام ،،

رئيس مجلس الادارة المحامى سعيد عفيفى

انا لسة مجيبتش

مجهول — Tue, 27 Feb 2007 16:18:15 +0200

انا لسة مجيبتش الكتاب لكنت قرات تقرير الشبكة على موقعهم وشوفته ومن الكلام اللى مكتوب فيه انه عبارة عن مجموعة مقالات صحفية لصحف مختلفة ومواقع انترنت مجانية وكلها مقالات لمهاجمة الوضع العربى وشتيمه فقط دون اى اشارة لاى شئ اخر لان بالتاكيد الغرض من التقرير مدفوع الاجر هو اثارة تلك النقطة فقط دون الاشارة لاى شئ اخر
ومع ذلك وان كان التقرير كذللك فلم اجد وضع قانونى يحمية لان التقرير معمول من مجموعة مقالات واخبار كوبى وبيست من مواقع اخرى
وبالنسبة لمهاجمة شخص او اخر لغرض ما المفروض اننا ننأى عن ذلك الامر وانا زميل والقضاه بيلقبونا بالقضاء الوقف واذا كان عندك كتاب قانون منه خليك عادل وصريح وقول استفدت منه ولا لا
ومكتبى فى نفس عمارة مكتب المحامى احمد سيف فى التوفيقية وعارفه كويس
فهو كمحامى عليه بعض علامات الاستفهام (السجن 3 جنايات منها الجناية حصر تحقيق نيابة امن الدولة العليا بشأن التنظيم الشيوعى الارهابى لقلب نظام الحكم فى مصر والذي بدأ تنفيذ العقوبة اعتباراً من 15/7/1985 حتى 15/11/1995 . )
المعلومات ديه من كتاب تاريخ التنظيم الشيوعى المصرى
والله تعالى اعلم انا مابظلمش حد كله مكتوب فى كتاب الحزب اللى كان بينتمى اليه احمد سيف الاسلام ودلوقتى غير الى حاجة تانية جديدة

وبالنسبة للقضايا بتاعته هى عبارة قضايا الدفاع فقط عن اصدقاء الشبكة العربية لمعلومات حقوق الانسان او اللى بيجى الامر بالدفاع عنهم
مثل الملحدين والمثليين ومن اشهرهم عبد الكريم الملحد
وان كان لكل شخص الحق فى الدفاع عنه مهما كانت تهمته
سجلات منظمات حقوق الانسان مكتظه بالقضايا ولكن لم تاخذ الحق فى الشهرة
لعل التقرير ياخذ حقه فى الشهرة ولو على النت ولو حتى على حساب القضاء المهم الشهرة والانتشار لاثبات اننا نستحق بجدارة للمعونات والمنح الانسانية
انا مش عاوز اعيب فى حد عشان معارفش برضه الناس بتقول عليا ايه من ورايا

واقعة السرقة هى الاهم

elsaeedi — Sat, 24 Feb 2007 16:07:29 +0200

السادة الافاضل اسمحوا لى ان افت نظركم الى ان القضية الاساسية التى تعنينى بحكم كونى محامى هى قيام المستشار الدكتور عبد الفتاح مراد بارتكاب فعل يمثل جريمة فى قانون العقوبات المصرى مع ملاحظة ان له مؤلفات عديدة لا تخلوا اى مكتبة محامى منها فهذة الواقعة مهمة جدا وهى لب هذا الموضوع اما بخصوص الاستاذ احمد سيف حمد فانا اعرفة معرفة جيدة جدا واختلف معه فكريا بزاوية 180 درجة لكنى احترمة جدا واقدرة واثمن الدور الذى يقوم به فى الدفاع عن ضحايا انتهاكات حقوق الانسان انطلاقا من مبدأ اساسى وهو حق كل متهم فى ان يحظى بمحام كفء يتولى الدفاع عنه ايا كانت الجريمة التى ارتكبها

ما فيش مصادرة

عمرو غربية — Thu, 22 Feb 2007 23:16:41 +0200

ما فيش مصادرة يا ستنا. هو نفسه يشتغل مع بتوع حقوق الإنسان المتآمرين و أنا مش مكتب توظيف. بس. المدونات طبعا للكل، و ما فيش مرة حد طلب ينظم المدونات بشكل أو بآخر (خيالي طبعا و غير قابل للتطبيق في الواقع) أو اتكلم كلام كبير عن الرسالة التدوينية و أخلاق التدوين و حاجات تانية و لقى تأييد مني. المدونات مجرد تقنية نشر، يعني عاملة زي المطبعة، و ممكن كل واحد يستغلها على مزاجه. و أنا كمان موافقك أن القراء هم ال بيحددوا مصداقيات المدونات. أنا شخصيا باصدق و باحترك المدونات و التعليقات ال بتقدم أدلة على ما تزعمه، و كمان ال مش بتتخانق مع شخص علشان هو مش عاجب صاحب المدونة أو التعليق، لكن ال بتشوف الشخص رأيه إيه و بترد عليه من غير زعيق و دوشة كتير. و بعدين من قال لك إن المجهول صاحب التعليقات ما عندهوش مدونة؟ أديك عرفت المدونات و موقع القاضي و حاجات تانية. المهم إنك تكوني رأيك بنفسك في كل حاجة تقرأيها.

بلاش نصار على اراء الناس

مجهول — Wed, 21 Feb 2007 15:43:19 +0200

الى عمرو غربية بلاش نصادر على اراء الناس حتى لو مش عجانه يعنى ايه تقول امشى وروح ربنا يسهلك المدونات للجميع طالما انت بتحط موضوع للنقاش تبقى تتقبل وجهات النظر ومش المفروض منك انك توجه الناس لأفكار معينه

يعنى ايه ركز على الفكرة وبلاش الاشخاص

المدونات بتنقل للناس اللى هما ماشفهوش ولا يعرفوه والمصداقية تكتسب من خلال النقاش اللى بيدور بين الرد والرد الاخر

مش مجرد مصادرة على راى حتى لو كان كلام فارغ

لازم ندى مثال للناس ان المدونات حره ومش مسيسه من جهات حتى لو كانت جهات معارضه وده مش حايكون الا من خلال تقبل اراء الاخرين حتى لو كانت شتيمة وشكرا لو نشتوا كلامى انا ماليش دعوى بالموضوع اساسا بس استفذنى الكلام المكتوب

وعلى فكرة انا اساسا خريجة اعلام يعنى ماليش دعوة بكتب القاضى انا مكنش اسمع عنه بس انتوا كده عرفتونى بموقعه

طيب تعالى نركز

مجهول — Wed, 21 Feb 2007 15:19:12 +0200

طيب تعالى نركز على الفكرة وبلاش الاشخاص

اية الفكرة اللى انتوا عاوزيت تطرحوها هنا منشتريش كتب واحد مؤلف وماله

اساسا مافيش حد بيشترى كتب غالية واللى اعرفة ان الكتب ديه غالية

وخلينا فى فكرة ان الواحد ينصب نفسه مفكر وحاكم وخصم فى نفس الوقت

تقدر تقولى اية اللى احنا حانستفيده لما نتكلم فى الموضوع ده

ايه هى الفكرة اللى انتوا عاوزين توصلوها

وبعدين اية يا ولد مش جايز اكون افضل منك ولا انت شايف انك افضل منى

على العموم مافيش مقياس لتحديد الافضلبة

المقياس مع المحتوى معدوم او يكاد يكون مختفى كما اختفت المصداقية واختفت الاخلاق .

يا ولد

نصيحتي لك يا

عمرو غربية — Wed, 21 Feb 2007 15:07:35 +0200

نصيحتي لك يا ولد إنك تهدى شوية و ما تتكلمش على الفاضي و المليان، و تركز على الأفكار بدل الأشخاص.

يا الله. امشي بقى. يسهل لك.

مية مية والله

مجهول — Wed, 21 Feb 2007 14:35:36 +0200

مية مية والله اخيرا لقيت فايدة لوصلة النت بقيت بعرف اتواصل مع الناس

بص يا سيدى انا مقولتيش انه ابنه انتيمك انت اللى مش شايف الكلام كويس ودي حاجة فرعية مش مشكلتنا

لى توضي بسيط

بالنسبة للاتفاقيات اللى مصر موقعها عليها انا وانت عارفين ان بنوقع عليها لما يكون فى مصلحة وارجع كده حتلاقى زوفة اتفاقيات موقعه لمصر ملهاش لازمة اساسا ولن تطبق فى مصر ومن ضمنها حقوق الانسان اللى مصر موقعها عليها

بنمضى على اساس المعونات اللى بتيجى من ورا التوقيع

اتفاقية كذا وكذا وعد يا ريس

المهم انا عاوز اسلك امورى مع حقوق الانسان اعمل ايه انصحنى

وبعدين انا ماشتمش حد

ياعم متخليك مرح وتقبل هى بتلزق

أنا بارد هنا

عمرو غربية — Wed, 21 Feb 2007 14:13:00 +0200

أنا بارد هنا علشان هنا انت بطلت شتيمة و بدأت تقول حاجة يترد عليها، و كمان رديت عليك هناك.

السلوك شكلها فعلا ضاربة. انت ال قلت أن ابنه أنتيمك. ما علينا.

هو محامي حقوق الإنسان كدا، بيشتغل على كل القضايا ال هو و الاتفاقيات ال مصر موقعة عليها و بقت قانون محلي شايفة أنها حقوق الناس. لو مش عاجبك الموضوع، يبقى تحاول تسحب توقيع مصر على الإعلان العالمي لحقوق الإنسان، و العهد الدولي للحقوق المدنية و السياسية، و باقي القوانين (ال هي بقت قوانين محلية) ال تمنع اضطهاد الناس بسبب انتماءاتهم الضيقة، و بالمرة تخلي الدستور المصري متسق مع ذاته من غير ما مادة تعارض مادة تانية.

أنا شاري مطرح علشان أقدم لنفسي خدمات، مش علشان أخدمك أنت، و كون أني باقبل تعليقاتك فدا برضو تسامح مني ﻷنها ملكيتي الخاصة. الفرق بيني و بين الحكومة هو أني مش عاوز و لا قادر أمنعك أنك انت كمان تقول ال انت عاوزه. الفرق كمان هو أني مش باستغل الاموال العامة في غير صالح الناس. يعني المدونة بتاعتي، و المساحة المؤجرة بتاعتي برضو، و تعليقك لو فيه أي حاجة غير الشتيمة هيعدي. أنا أسهل علي إن أرجع التعليقات مفتوحة زي ما كانت لسنتين و نص قبل سيادتك ما تشرف.

لما بترد هنا

مجهول — Wed, 21 Feb 2007 13:37:24 +0200

لما بترد هنا بتشيل التعليقات من عندك لية

دي حاجة مين قالك ان صاحب الكتاب صاحبى انا ايش وصلنى للناس اللى فوق ديه

دية حاجة تانية

انا مابتخنيقش مع حد انا بس مفقوع علشان السلوك الضربا

لما اشوف حاجة تحرق الدم وابقى نفسى اعلق عليها

ولما سيف الاسلام ابو علاء كده مية مية

ميحطش الفلاحين والغلابة المطحونين فى كفه واحدة مع المدافعى عن المثليين واللى بيسب الدين ويقطع فى اوصاله

ياريت تفتح التعليقات فى مدونتك اقصد موقعك

و250 جنية مش كتير فعلا

بس ادفع 250 جنية علشان اعبر عن ارائى انا بس

زى الحكومة لما بتشترى 5 جرايد وصحفين بكام مليون جنية علشان تعبر عن نفسها بس

من غير ماحد يرد عليها ولا حتى فى ورقة فلافل

التقرير ده اللى عملين له لينك ممل ومافهوش جديد

شفت بقى لما

عمرو غربية — Wed, 21 Feb 2007 11:26:00 +0200

شفت بقى لما هديت بقى في كلام الواحد يرد عليه إزاي؟

أنا عرفت علاء من سنتين علشان احنا الاثنين مهتمين بنفس الموضوعات، مش العكس. أحمد سيف هو من أكثر المحامين احتراما، و بيدافع عن أي حد، من أول المتهمين في تفجيرات طابا، لحد المثليين، مرورا بالفلاحين و العمال، و ضحايا التعذيب، و المتهمين في قضايا الرأي. الصعيدي يعرفه من قبلي باعتبار اشتراكهم في المهنة.

لو في حاجة في التقرير مش عاجباك، ممكن تقول لي عليها ونناقشها برا التدوينة دي علشان نفضل في الموضوع. انقل النقاش دا عندي. لما ترد هناك و تتكلم في تفاصيل محددة بدل ما تسب الناس و خلاص، هابقى أرجع لك تعليقاتك لأني هابقى عارف إنها مش هتتكرر تاني.

أيوة يا سيدي، أنا مأجر مطرح استضافة شركة مع أخوي، و كل واحد مننا حاطط عليه بريده و المواقع ال هو بانيها. الحكاية كلها هتكلفك 250 جنيه في السنة، يعني مش غالية زي ما انت فاكر لو أولوياتك هي إنترنت. إنت بتصرف كم على المحمول في السنة؟ هو دا بقى قصدك لما اتكلمت على الفلوس؟ إن ال250 جنيه دول محتاجين تمويل أجنبي؟

طلب أخير: دور فعلا على الكتاب بتاع أبو صاحبك الأنتيم، و ارجع للتدوينات ال فيها مقارنة بين محتوى الكتاب، و محتوى التقرير و مدونة بنت مصرية، وابقى رد علي. أنت لغاية دا الوقت بتتخانق من غير ما تعرف علشان الموضوع يخص صاحبك و أبو صاحبك، و جاي تقول لي أنا صاحبي و أبو صاحبي :)

شد حيلك.

انا مش بتكلم

مجهول — Wed, 21 Feb 2007 09:31:37 +0200

انا مش بتكلم على التقرير العبيط اللى انتوا عاملين عليه هوليلا ده

انا قصدى بس اعرف الناس انك لمجرد صاحب علاء اللى هو ابن سيف الاسلام اللى عامل هو ووثلاثة اربعة كده يعن الشبكة العربية فلازم نساعد ابو علاء ونقوم نعمل اللى عاوزة بابا علاء

لانى فعلا قعدت اشوف التقرير والمدونات اللى كاتبه عنه مالقيتش الا سيادتك وشلة اليونانى الصباحى

وبعدين لما الشبكة بتدافع عن الحقوق قوى كده ماله بقى حق المثليين فى مصر مظلومين يا حرام

ولاحق الاخ كريم انه يسب الدين ويترمى فى احضان الحرية اياها ....

وبعدين انت بذمتك المخرومة ماشيلتيش التعليق بتاعى فى موقعك اللى هو مش مدونه موقع بيدفعلوه فلوس تاجير وكده يعنى

وعلى العموم انا حادور على الكتاب الى انتوا مكبرين موضوعه طبعا علشان بيخص ابو صاحبى الانتيم ..

وبعدين نشوف

طيب ما هو ال

عمرو غربية — Tue, 20 Feb 2007 20:10:09 +0200

طيب ما هو ال ممكن يتشال من هناك ممكن يتشال من هنا!

فين العلاقة بين الخناقة ال انت عاملها هنا و الخبر ال ما فهوش اسم أي حد من ال مش عاجبينك؟ إزاي أي حاجة هتقولها في قضايا المثليين و عبد الكريم هتنفي النقل من تقرير الشبكة ال علشانه الصعيدي كتب التدوينة دي؟

اركز شوية علشان ال بيقرا يلاقي حاجة يفهمها و يصدقها في كلامك.

ظهر حديثا كتاب

مجهول — Tue, 20 Feb 2007 20:09:25 +0200

ظهر حديثا كتاب الواقع المرير للمُدَونَات فى مصر والدول العربية حرب أنظمة الحكم العميله ضد حرية التعبير خصم عنيد : الانْتَرنِـت والحكومات العربية تقرير الشبكة العربية لمعلومات حقوق الانسان 2006- 2007تأليف وإعـدد جمـال عـيـد مدير الشبكة العربية لمعلومات حقوق الانسان احمد سيف الاسلاممدير مركز هشام مبارك كلارسيا بنكومو الشبكة العربية لمعلومات حقوق الانسان علاء احمد سيف الاسلام مركز هشام مبارك إعـدد ايهاب الزلافى سالى سامى داليا زيادة الطبعــة الأولــى2007الناشر دار المرصد الديمقراطى ببيروت يباع بالمكتبات بسعر مدعم من منظمة هيومان رايتس واتشمن المخصصات التى تخصصها كل من منظمات حقوق الانسان سنويا وقدرها 100 مليون دولار و50 مليون يورو و 50 مليون دولار كندى والكتاب فى 314 صفحة من الحجم المتوسط ويباع بسعر قدره 50 جنية ومتوفر بالمكتبات العربية ومصرومضمون الكتاب حانشره