عوزين نتصالح وخلص الموضوع والله حرام انت تكون عضو فى مجلس نقابة المحامين

نشره elsaeedi يوم سبت, 2007-01-27 15:34.

الواحد تعب والله وقرف من اغلبية اعضاء مجلس النقابة وده مش من فراغ من تصرفتهم ال تكسف وتخلى الواحد يضرب كف على كف ويعرف اسباب معاناة المحامين لان ال بيقودوا العمل داخل النقابة اغلبيتهم ومش كلهم صراحة محتاجين يعرفوا ويفهموا يعنى ايه العمل النقابى واولوياته هقول ليكم ال حصل عشان تعرفوا ان انا مش بتجنى على احد ولا بقول كلام والسلام فى عدد عشرين محامى تعرضول للضرب والسب هم ونقابة المحامين ونقيب المحامين من ضابط شرطة ومجموعة من العساكر من قوة قسم الموسكى وتحرر عن ذلك المحضر رقم 18677لسنة 2006 جنح الازبكية وتحدد له جلسة يوم 16/1 2007 ونزل الضابط متهم باستعمال القسوة والسب كويس ومن ضمن المجنى عليهم الزميل محمود رضوان المحامى الموافق 25 يناير باتصال على الموبايل من الاستاذ جمال تاج الدين عضو المجلس يطلب منه الحضور الى مبنى النقابة بسرعة وبالفعل حضر الزميل مسرعا الى دار النقابة ظنا منه ان الاستاذ جمال يريد الحضور معه وتايدة فى الجلسة القادمة واراد ان يبحث معه سبل هذا الدعم لكن الغريب ان الاستاذ جمال كان عوزه فعلا بخصوص القضية بس مش عشان يحضر معاه ولا عشان يايدة ولكن لشىء اكثراهمية ان الاستاذ جمال عاوز المجنى علية الاستاذ محمود رضوان المحامى يتصالح وقاله بالنص )عوزين نتصالح وخلص الموضوع ده ( وكان موجود مع الاستاذ جمال فى خجرته فى النقابة محامى ضابط الشرطة المتهم مع العلم ان الاستاذ جمال بيعرف كل تفاصيل القضية لانه حضر مع الزملاء اثناء تحقيقات النيابة وعارف ان الزملاء دول اضربوا وتم سبهم وسب نقابة المحامين ونقيب المحامين والكلام ده ثابت فى المحضر وده امناء الشرطة شهدوا على الضابط فى صفحة 18 فى التحقيقات سؤال امين الشرطة محمد احمد النعمانى س هل شاهدت الضابط بيضرب المجنى عليهم ج ايوه ايوه ايوه المحضر فيه اقول 18 شاهد شهدوا ان الضابط سب المحامين ونقابة المحامين ونقيب المحامين المحضر به ست تقارير طبية للزملاء المحامين الذين تعرضوا للاعتداء وبعد كل ده الاستاذ جمال بيتصل بالمجنى عليه وعاوز يتصالح وسلم لى على كرامة المحامين وكرامة نقابة المحامين واعتقد دلوقتى انتم عرفتوا اهم اسباب انهيار مهنة المحاماه مش كفاية ما حدش حضر منكم اول جلسة والنقيب رفض الحضور رغم توجة الزميل محمود رضوان اليه فى مكتب الخاص قبل الجلسة باربعة ايام ورفض الحضور معه ليه ماتعرفش لما النقيب ما يحضر فى قضية بالطريقة امال يحضر فين يحضر مع ممدوح اسماعيل فى قضية العبارة وبكره هفكركم

قرأت 1424 مرة