صورة عشوائية
اسم المستخدم
الأعضاء الجدد
الموجودون عالخط
يوجد حاليا 0 users و ضيف واحد عالخط.
حتى عمال وفراشين النقابة عندهم شوية فساد يعنى هتيجى عليهم
Submitted by elsaeedi on سبت, 2007-02-03 15:06
اول انبارح كنت مدى معاد لموكل جاى من الصعيد بلدياتى يجبلى توكيل فى نقابة المحامين كان الميعاد الساعة عشرة الصبح الراجل اتصل وقالى ان هو فى القطار واحتمال يتاخر فقلت ماشى اعد استناه لان النقابة اسهل مكان يوصلة من رمسيس ومش هيتوه خاصة ان الراجل ما بجيش مصر الا للشديد القوى وقلت اقعد فى الانترية الى فى المبنى القديم وطلبت قهوه واديت للراجل جنية تمن القهوة لقيته بيقلى بس هتتاخر شويه قلته ليه قالى اصل ال معاه المفتاح بتاع الدولاب ال فيه الشاى والقهوة لسه ماجاش قلته ليه ده الساعة عشرة ونصف هو مش هنا فى دفتر حضور وانصراف قال ايوا اصل الريس رفاعى بيمضيلة قلته من الريس رفاعى ده قال ده رئيس العمال طيب وبيمضيلة ليه عشان هما بيقسموا مع بعض فلوس المشروبات ال بيطلبها المحامين عشان كدا بيريحة يعنى اطعم الفم تستحى العين ال انا عارفة ان رفاعى ده بيصرف كل شهر 700 جنية بدل ضيافة بيشترى بيها الشاى والقهوة والسكر و700 جنية مبلغ مش سهل والعمال دول بيقبضوا مرتب من النقابة وبيعملوا فلوس من المشروبات ال بياخدها المحامين يعنى فلوس الشاى والسكر والقهوة من النقابة هما بيدفعوش فيها حاجة وبياخدوا مرتبات وبياخدوا فلوس من المحامين وما بيجوش فى مواعدهم والريس رفاعى بيمضلهم لكن هاتيجى على دول ما الفساد معشش فى كل ركن فى نقابة المحامين فى العلاج وفى المشروعات والريس رفاعى ما يعملش كدا الا اذا كان متاكد ان ال فوقة وال اعلى منه بيعمل كدا وهكذا الى ان تصل الى السلم الوظيفى داخل نقابة المحامين
- 404 reads
( تصنيفات: )
علِّق