صورة عشوائية
اسم المستخدم
الأعضاء الجدد
الموجودون عالخط
يوجد حاليا 0 users و ضيف واحد عالخط.
250الف للاخوان و250الف لمجموعة النقيب من فلوس المحامين حرام عليكم
Submitted by elsaeedi on أحد, 2007-08-05 10:13
فى اختلافهم رحمة وحفاظ على اموال المحامين وفى اتفاقهم اسراف واهدار وتبذير وحاجات كتير ملهاش لزمة وانا بقصد هنا اطراف المجلس الاخوان بقيادة الاستاذ طوسن ومجموعة النقيب طول السنسن ال فاتت لما كانوا نختلفين ما كنش فى مليم واحد بيتصرف من النقابة على مؤتمرات ايا من الفريقين كان الاخوان بيعملوا معسكر الساحل الشمالى بالتمويل الذاتى ابيوفروا دعم عن طريقة الخاص وبالمثل كان النقيب بيعمل نفس الشيء فى المؤتمر العام وكان الاثنين بيتموا دون دفع اى مليم من خزينة النقابة لكن المرده لما توافقوا مع بعض اتفق الاستاذ طوسن والنقيب على ان ياخذ كل طرف 250 الف جنية دعما لمؤتمرة وبالفعل تم تحرير الشيكات وتم صرفها الغريب ان الاخوان كانوا بدؤا المعسكر قبل الحصول على الدعم وحددوا له اشتراك قدرة 100لان النقيب رفض يديهم الدعم بسبب موقفهم من موضوع الاستاذ حمدى خليفة نقيب الجيزة لما رفضوا يدينوه فى التحقيق ال تم ولكن لما توافقوا ايضا حول هذا الموضوع وافق لهم على الدعم ونزلوا الاشتراك من 100الى 75 جنية طيب لما انتم قدرين تعملوا المؤتمر بدون دعم اخذتم الدعم ليه والمؤتمر العام المردة ده مدتع اربع ليالى يعنى ضعف مدة اى مؤتمر سابق وباشتراك قدرة 100 جنية وفى بورسعيد ليه اربع ايام انا مش عارف هتعملوا فيهم ايه انا شايف ان المؤتمر العام ده زيى قلته واتحدى لو كان فى توصية واحدة من توصية على مدار الاعوام السابقة قد تم تفعيلها هو اقرب ما يكون الى الرحلة الترفيهية بجد هو رحلة فعلا وشوفوا ورش العمل الحضور فيها شكله ايه بتلاقيها خاوية على عروشها ريحونا واعلنوا عنه كرحلة وارفعوا الاشتراك وحافظوا على فلوس الارامل واليتامى او زودوا فى الاعانات العلاجية للمحامين ال مش لقين فلوس يدفعوا نسبتهم فى العلاج واعانات للارامل ال ملين النقابة مش قدرين يوجهوا اعباء الحياة بعد وفاة ازوجهم المحامين حرام 500الف جنية من فلوس المحامين تروح على الارض عشان تخطبوا فى الناس وتقولوا كلام ملهوش علاقة بالواقع ولا بظروف المحامين انا عندى احساس ان النقيب خلى المؤتمر اربع ايام عشان هيبتدى منه حملته الانتخابية واولى خطوات الجملة هى خشد المحامين من اجل المطالبة بتعديل قانون المحاماة عشان يقدر يترشح مرة تانية لكن ان شاء يا نقيب القانون مش هيتعدل مش عشان انا مش عاوز القانون يتعدل لا لان التعديل ده فى ايطار صفقة مع النظام الهدف الاساسى منها ضرب الاخوان المسلمين وانا بختلف مع الاخوان بس ضد ان يتم استخدام التشريع من أجل القضاء على اى اتجاة سياسى سواء كان اخوان اوشيوعيون او ناصريون والله خرام عليكم لكن الاهم من كل ده ان هذا الاتفاق تم بين النقيب والاستاذ طوسن لدرجة ان اعضاء هيئة مكتب النقابة ميعرفوش عنه حاجة وكانت مفاجأة ليهم وسلمى على العمل المؤسسى ال فلقين دمغنا بيه
- 442 reads
( تصنيفات: )
علِّق