ماذا بعد يا وطنى

قامت نقابة المحامين بتركيب كاميرات مراقبة على ابواب النقابة العامة للمحامين وحسبما تم اعلانه ان الهدف من وضع هذة الكاميرات هو القضاء على ظاهرة تزويغ الموظفين اثناء ساعات العمل والكلام ده طبعا ما يدخلش عقل احدث محامى تم قيدة فى النقابة لمجموعة من الاسباب اولها ان الموظف المسئول عن مراقبة الموظفين من خلال هذة الكاميرات هو الاستاذ عاطف القلينى مدير شئون العاملين والاستاذ عاطف القلينى ما بيدخلش النقابة قبل الساعة 12الظهر ومش هو بس هو ومعاه مجموعة كبيرة من الموظفين وده شيء معروف وما حدش يقدر ينكرة دول بهوات النقابة يجوا الساعة 12 الساعة 11 ماحدش يقدر يقلهم حاجة وما حدش فيهم بيمضى حضور ولا انصراف وبيتاخدوا المرتبات بتاعتهم كاملة ثانيا فى دفتر على البوابة بيتم فيه تسجيل الموظف ال بيخرج والاذن ال بيسمح له بالخروج فالكاميرات ده ملهاش لازمة وكلفت النقابة 40 الف جنية على الفاضى وكمان فى 5 كاميرات  امكن حصرها  وموجودة فى اماكن ليس لها علاقة بدخول وخروج الموظفين يعنى كاميرا موجوده فى الجنية علاقتها ايه بالموظفين وكاميرا امام شبابيك الخزينة علاقتها ايه بالموظفين ده بتصور المحامين اسمعوا الخلاصة تركيب الكاميرات ده ياتى فى ايطار برتوكول تعاون وتنسيق بين مباحث امن الدولة واعضاء المجلس الذين قاموا بتركيب هذة الكاميرات ليه عشان اى حد يفكر يقف وقفة احتجاجية هيتصور اى حد يقف يهتف على سلم النقابة يتصور اى حد يوزع بيان يهاجم فيه المجلس يتصور وشريط التصوير ده ممكن يكون هو دليل الاتهام يقدم لحبس المعارضين للنظام الذين يمارسون نشاطهم من داخل نقابة المحامين يعنى مثلا بتوع كفاية خلاص مش هيجوا احسن تانى يوم تتعملهم قضية ويقدم الشريط ال صورته كاميرات نقابة المحامين دليل اتهام وممكن يكون الهدف هو القضاء على الدور القومى للنقابة وان النقابة لم تعد المكان الامن الذى يلجأ المعارضين للنظام من مختلف للاتجاهات السياسية وده مخطط بدأ من فترة لما النقيب امر باغلاق النقابة فى وجة المتظاهرين طبعا فكرين وكل ما افتكر رد الاستاذ عاكف جاد انه اثناء المظاهرات سوف يتم اطفاء هذة الكاميرات اضحك  ده برده اسمه كلام يا استاذ عاكف